Plantun de Prouvènço

Pèr coumpara dos planto d'encò nostre

Bupleurum falcatum subsp. cernuum & Eupatorium cannabinum

Bupleurum falcatum subsp. cernuum

Apiaceae Umbelliferae

Noms en français : Buplèvre penché, Buplèvre en faux.

Descripcioun :
Aquéu buplèvre-en-daio, de la subsp. cernuum, trachis dins lis Aup dóu miejour, subretout à l'instànci subaupin. La planto, pulèu grando e verdalo, se recounèis eisadamen bonodi si fueio en daio o en voulame s'amas mies. La subsp. presentado eici à mens de dès rai inegau à sis oumbello e se recounèis peréu à si fru de 4 à 6 mm que soun quàsi ala (fotò).

Usanço :
Aquesto planto èi pas utilisado au nostre, soulamen en medecino óurientalo. Pamens es esta trouba d'ùni prouprieta coume èstre anti-enflamativo, antispasmoudico e estoumatico.

Port : Grando erbo
Taio : 20 à 80 cm
Fueio : óupousado
Tipe bioulougico : Emicriptoufite
Cicle bioulougico : Planto renadivo

Gènre : Bupleurum
Famiho : Apiaceae
Famiho classico : Umbelliferae

Ordre : Apiales

Coulour de la flour : Jauno
Petalo : 5
Ø (o loungour) enflourejado : 2 à 4 cm
Flourido : Estiéu

Sòu : Ca
Autour basso e auto : 1000 m à 1700 m
Aparado : Noun
Juliet à setèmbre

Liò : Bos clar - Óuriero de bos - Tepiero
Estànci : Mountagnard à Subaupen
Couroulougi : Éurasiatico
Ref. sc. : Bupleurum falcatum subsp. cernuum (Ten.) Arcang.,1894

Eupatòri

Eupatorium cannabinum

Asteraceae Compositae

Àutri noum : Canebe-fèr, Carbe-fèr, Epatorium, Capoun.

Noms en français : Eupatoire à feuilles de chanvre, Eupatoire chanvrine.

Descripcioun :
Planto renadivo un pau grando (>1m), bourrihudo, emé de cambo rouginasso, e que s'arremarco emé si flour roso à blanco coumpausado de flouroun en tubo. Li fueio dóu bas, óupousado, soun divisado en fuioun que dounon d'èr à-n-aquéli dóu canebe.

Usanço :
L'éupatòri èi couneigu pèr èstre vertuous contro li problèmo de fege (coulagogue) e de rèn. S'emplego de maceracioun de flour, fueio e racino. Pamens, estènt douna la presènci d'alcalouïde èi counseia de pas n'en prendre de longo.